هذه التدوينة كان تعليق لي على موضوع في أحد المنتديات، تناول في سياقه الحديث عن الفشل، وسامحوني على كونها بالعامية
الفشل
مشكلة المشاكل
بصوا يا جماعة انا مش هقعد أقولكم إن الفشل بيبقى مفتاح للنجاح ولما نفشل هنتعلم من أخطائنا وكدهلإن الكلام ده رغم كونه صحيح إلا أنه أصبح في وجهة نظر الكثير كلام نظري ولإن في نقطة مهمة جدا لازم نفتكرها
أنا بعمل العمل ليه؟؟؟
على حسب ذلك أستطيع أن احكم على نجاحي من فشلي فلو إحنا دوما بنعمل أعمالنا لله - حتى الأعمال الدنيوية زي المذاكرة والشغل وما إلى ذلك- لو بعملها فقط عشان آخد ثواب ، وبذلت أقصى جهد في اختيار والأخذ بالأسباب المساعدة على ذلك ورغم كده فشلت لسبب مفهوم أو غير مفهوم ، أنا فعلا سعيت بكل جهدي لكن فشلت غصب عني
، هل فشلي هنا خسارة؟؟؟؟
بالتأكيد لأ
لإن رغم فشلي في تحقيق العمل بصورته الجميلة الباهرة إلا إني برضه وصلت لهدفي الأصلي ،،وهو إني آخذت الثواب لإن الله تعالى برحمته لا يحاسبنا على الأشياء الخارجة عن إرادتنا ، إنما يحاسبنا على سعينا وبذلنا وصلنا أم لم نصل
طبعا الموضوع محتاج تفصيل أكتر من كده وأنا مش عاوز أطول ،، خلوها تيجي مع الحواروأرجو إن أكون نجحت في توصيل مقصدي لكم وجزاكم الله خيرا
هناك تعليقان (٢):
تسلم
بارك الله فيك
إرسال تعليق