السبت، يناير ١٠، ٢٠٠٩

في وداع جدتي ،، رحمها الله

الدنيا شكلها بيتغير
عن اللي عرفتها وأنا صغير
ناس كتير بتموت
وأطفال عمالة بتكبر

هي دي الدنيا يا إنسان
دنيا استقرارها محال
لا بتدوم فيها أموال
ولا نساء ولا رجال
ولا أحزان ولا أفراح
ولا حد قضاها مرتاح
ولا حد دام تعبان

آمالك فيها سراب
دنيا دهبها تراب
صدقت ستى لما قالت
"المتعشم فيها كداب"
في وسط تخطيطك لحياتك
وأحلامك وإنجازاتك
بتلاقي الموت على الباب

وأهو الموت حوالينا
بيصرخ وينادي فينا
بينادي من غير صوت
أجلك مسمى وموقوت
فوق بسرعة وارجع
قبل الأوان ما يفوت

كلمات بسيطة قلتها
بعد وفاة جدتي
كانت من بعدك يا رب
من أسباب قوتي
كانت زي بابا مختلفة
كانت غير عادية
كانت حنونة وصادقة
كانت من ربنا هدية
ربت أولادها وأحفادها
بصبر وعظيمة قوية

بودعك بأحر دمعة
وبالبشرى والأمل
موتك كان يوم الجمعة
وبعد صبر جلل

في جنة الله يا ستي
يا ستي وتاج راسي
عمري ما هقدر أنساكي
لإنك ساكنة في إحساسي

يارب تجمعها ووالدي
في جنات ونهر
وتجمعنا يارب بيهم
عند مليك مقتدر

معتز عبد الرحمن
السبت 13 محرم 1430 هـ
10 يناير 2009 م

هناك تعليقان (٢):

غير معرف يقول...

البقاء لله متاخره شويه عفوا00زمان كنت بكتب بس دلوقتى خلاص لاشعر ولانثر ممكنيا باشمهندس تكتب لناعن الناس اللى بتعيش علشان بس تتعب وتجرح غيرها00مع الشكر00ام فاطمه

غير معرف يقول...

البقاء لله متاخره شويه عفوا00زمان كنت بكتب بس دلوقتى خلاص لاشعر ولانثر ممكنيا باشمهندس تكتب لناعن الناس اللى بتعيش علشان بس تتعب وتجرح غيرها00مع الشكر00ام فاطمه